WAZIRI NAPE NNAUYE KUKUTANA NA WANAMUZIKI JUMATATU DAR

Nape Nnauye (kushoto) akipiga gitaa wakati kulia anaonekana Rais John Magufuli akipiga tumba, wakati waka kampeni za uchaguzi mkuu mwaka 2015

WAZIRI wa Habari, Utamaduni, Sanaa na Michezo Nape Moses Nnauye, Jumatatu Machi 21 anatarajia kukutana na wanamuziki wa Dar es Salaam katika ukumbi wa Vijana Social, Kinondoni.
Haijajulikana agenda za mkutano huo zitakuwa nini, lakini mambo ambayo yanaweza kuibuliwa ni serikali kutoutupia macho muziki kwa ujumla, hali ambayo imechangia kuduma kwa fani hiyo, hasa kwa muziki wa dansi.
Ingawa wapo wasanii, hasa wa Bongo Fleva kama Nasib Abdul 'Diamond Platinumz', Vanessa Mdee, Ali Kiba na wengine wanaofanya vizuri kimataifa, lakini mafanikio hayo yametokana na juhudi binafsi na siyo vinginevyo.
Hii ni mara ya kwanza baada ya miaka mingi kwa waziri anayehusika na sanaa na utamaduni kukutana na wanamuziki.